Virtual Na Paglilibot Sa Bulwagang Dino – Filipino

Bilang pagdiriwang ng masigla at iba’t ibang komunidad ng Los Angeles, inihahandog ng NHM ang Filipino na virtual na paglilibot sa Bulwágang Dinosáwro. Kahit na nakapinid ang aming mga pinto inaanyayahan namin kayong pumasok sa loob ng pinagkalooban ng gantimpalang Bulwagan ng Dinosáwro ng NHM at tuklasin ang Panahon ng mga Dinosáwro. Alamin kung paano pinag-aaralan ng mga siyentipiko ng museo ang sinaunang panahong nakalipas sa pamamagitan ng iba’t ibang uri ng mga fossil at maaari pang matunghayan nang malapitan ang nag-iisang serye ng fossil na nagpapakita ng sunod-sunod na paglaki ng T. rex. Sa ibaba, tuklasin ang mga aktibidad ukol sa dinosáwro at fossil na kabakas ng mga paglilibot --- angkop para sa mga pamilya, mga batang pumapasok na sa eskuwelahan, at mga nais matuto anuman ang edad!

Maaari mo ring tuklasin ang mga aktibidad ukol sa dinoswáro at fossil na dagdag sa tour---angkop para sa mga pamilya, mga batang pumapasok na sa paaralan, at mga nais matuto anumang edad. Tingnan sa ibaba.

ISINALAYSAY NI GISELLE “G” TONGI

Si Giselle Tongi, na kilalá sa tawag na “G,” ay kilalá ng marami na magiliw at palakaibigan sa komunidad ng mga Pilipino at Pilipino-Amerikano. Kilala siya bilang artista sa pelikula, telebisyon at entablado sa Pilipinas, kung saan nagtamo siya ng mga gantimpala sa kanyang pagganap. Si G-Tongi ang kasalukuyang direktor na namamahala ng programa ng FilAm Arts. Nagtapos si G-Tongi sa UCLA ng kursong Komuniskasyon at double minor sa pelikula at teatro. Ang paglaki sa Pilipinas at sa Amerika ay nagbigay sa kanya ng isang bukod-tanging pananaw, at nagtulot sa kanya na pahalagahan ang importansiya ng kanyang pinagmulan. Kasalukuyan siyang mag-aaral na gradwado sa Antioch University Los Angeles sa programang Nonprofit Management.